阿明印尼餐廳 (已結業)

"阿明"紥根深水埗都有一段比較長嘅時間, 見佢由欽洲街換鋪至中心一點嘅長沙灣道。星期日就試來一次吧！點咗兩樣食物: 魚旦粉$6x 都幾貴下。主角嘅魚旦係一粒粉頭, 只有白胡椒味。或者佢地認為咁就係魚旦吧。好細粒雖然多粒数。配菜真係好少, 連芽菜都好少。荳卜一開二就係見到嘅咁多。兩粒半件嘅荳卜。個湯頭係比較清淡咗少少。就當係健康至上吧!另一個食物係海鮮豬肉炒麵, 海鮮係兩只蝦加幾條魷魚絲。豬肉係切粗粒/條炒至鞋鞋地。唯一知道蛋麵係自己做的。質感係似即食麵咁囉！調味係知道有d 醬油咁囉。以炒麵嚟講係家庭主婦都做得出嘅出品。但收$7x 又係比較貴。如果以呢兩樣食物而言結論係強差人意。呢度8成客人係印尼人, 證明佢地係有價有市。而佢唔係自己杯茶, 可能係外面嘅世界五花八門, 選擇可多的是!