影片
食家推介
"阿明"紥根深水埗都有一段比较长嘅时间, 见佢由钦洲街换铺至中心一点嘅长沙湾道。星期日就试来一次吧！点咗两样食物: 鱼旦粉$6x 都几贵下。主角嘅鱼旦系一粒粉头, 只有白胡椒味。或者佢地认为咁就系鱼旦吧。好细粒虽然多粒数。配菜真系好少, 连芽菜都好少。荳卜一开二就系见到嘅咁多。两粒半件嘅荳卜。个汤头系比较清淡咗少少。就当系健康至上吧!另一个食物系海鲜猪肉炒面, 海鲜系两只虾加几条鱿鱼丝。猪肉系切粗粒/条炒至鞋鞋地。唯一知道蛋面系自己做的。质感系似即食面咁啰！调味系知道有d 酱油咁啰。以炒面嚟讲系家庭主妇都做得出嘅出品。但收$7x 又系比较贵。如果以呢两样食物而言结论系强差人意。呢度8成客人系印尼人, 证明佢地系有价有市。而佢唔系自己杯茶, 可能系外面嘅世界五花八门, 选择可多的是!
继续阅读
去深水埗买东西唱日元，见到阿明的新店，数年前我去吃过旧店，所以就入去吃午餐。我屋企长辈系印尼华侨，所以久唔久就会食印尼料理，所以我觉得他们水准不错，环境比旧店好，价格相宜。
继续阅读
今日去到长沙湾政府合署做啲手续，做完梗系要揾下嘢食啦😊😍喺政府合署对面,竟然畀我揾到有一间唔系好显眼嘅印尼餐厅👍我即刻约埋住喺深水埗嘅朋友去食啦,讲到印尼美食一定系要食黄姜饭,我呢个饭有巴东牛肉、茄子、腌青瓜同埋啲配菜、仲有啲虾片同埋花生碎小鱼干伴碟。我朋友就食手打捞面，我地一开始以为系营多捞面煮成，点知原来真系舖头每朝新鲜手打嘅面，d面真系好好食，有叉烧、炆猪肉、云吞、虾饼、鱼蛋、炸猪皮，成碗面好丰富，好好食🥳😋食完正餐就到甜品啦🍭有特色印尼沙冰，有杂果同仙草冻等配料，淋上炼奶，超级好食😗🥰
继续阅读
每次经过深水埗 都会去走一躺食-阿明印尼餐厅主打系印尼singkawa 家乡食物不经不觉已经几年早期疫情严重时间 出返ssp 突然见到旧址无左间餐厅心情不爽一段时间 一直都希望会再开返铺头结果前期行街经过 终于比我见到大街新铺装修即刻开心晒😃因为最爱既手打面 可以食返新铺比以前多左香港人去食所以就外卖回家🥡 仍然用紧纸包面味道依旧好食手打都配有叉烧 炸猪皮 猪肉 鱼丸仔 豆干 芽菜 冬菜..配搭印尼白醋食 酸酸咸咸味道捞埋面因为手打关系所以弹牙～除左面之外 都有黄姜饭 沙律可点饭菜就唔系偏娘惹式味道辣椒酱就餐厅自己整 刺激度高啲整体价钱中等 但唔洗惊唔识点餐 因为老板都听得明广东话所以大家未曾食过 可以一试
继续阅读
是日与妈妈去深水埗逛逛，黎到这间佢好想吃的餐厅吃印尼菜。记得这所餐厅曾经开于电脑商场附近，现在开近了西九龙中心附近。假日来到餐厅的人流都挺多，几乎坐无虚席。是日点了：❣️客家沙律有青瓜、菠萝、沙葛和虾片，整体酸酸甜甜，酱料是有花生碎在内的阿参酱，很是开胃。❣️手打捞面每次黎到餐厅必点，捞面的配料好丰富，有猪皮、小鱼蛋、叉烧（超薄片）、小云吞、几块虾饼、肉碎，捞面是幼面，餐桌旁边会有醋及辣酱，拌在一起吃，是不错吃的，这是有别于港人平常吃的捞面，整体份量都挺饱肚的。❣️珍多冰经常来到餐厅都会点的饮品，会有椰奶的味道，甜度主要来自椰浆，内里有些斑兰粉条，更增添口感。但略嫌椰浆仍是暖暖的，整体饮品不是冻而是偏暖的。总括来说，餐厅食物质素一般，餐厅很多都是印尼华侨，觉得是他们吃回忆味道的地方。
继续阅读