好素純素餐廳

营业中

休息中

之前已經嚟咗呢一間食好幾次，試過好多道菜都覺得超好食，後來發現原來喺電視見過嘅一位教煮素食嘅「素食教煮」開嘅餐廳，嗰時睇電視已經覺得佢煮嘢食好叻，覺得真係要寫個食評讚吓佢，將想食嘅材料都可以發揮得好好真係好厲害！有好多道菜都推介，首先係鮮竹卷，竟然有煙熏味好有創意，好成功！仲有個滑蛋，真係好似，而且係用天然嘅食材，而唔係啲人工化學嘢。仲有個魚皮，真係不得了，用咗紫菜去整，外賣都好脆！薑醋控一定要叫呢個素薑醋，我媽唔係食素都覺得超好食，宜家先知薑醋咁好食完全唔關豬腳同蛋事