東京築地拉麵 (已結業)

今日晚餐目標築地拉麵晚上八點半點泊完車係旁邊商場，步行三分鐘到，今日唔使等位，坐底點左個兩個赤神拉麵，一個煎餃，一個巨峰提梳打冰，隨即同相機一齊望下周圍。地方比較細，四人枱坐四個人落去一定好迫，裝修獨特，望落唔會覺得同其他拉麵店太似樣，餐桌上一個盒簡單放置左調味料同餐具，夠就手方便。  大約八分鐘食物全部到齊，拉麵用既係麵比平常即食拉麵白，幼身，食落分別不大。湯底反而直得一讚，味濃得完全食得出蕃茄+豬骨，而且無蒜都夠香。煎餃皮唔算太厚，煎得夠香口，都算好食。巨峰提梳打冰內有椰果，可惜太細杯，未食完已經飲晒，最後多謝$202.4，記得攞岀門口比。