影片
更多
2012-05-07
19 浏览
相信香港人，一講起雞蛋仔，一諗就會諗起北角雞蛋仔.....佢地的原味雞蛋仔係比較出色，但質數好唔穩定，有時會係勁林，有時會過硬，蛋味又唔夠!好似買六合彩，睇手神.....除此以外，佢地的朱古力色雞蛋仔，聞就好香，食落去只略帶朱古力味，口感食落就好朱古力粉，普普通通。所以一般我食雞蛋仔都只會食原味，直至媽咪雞蛋仔的出現，令我對朱古力味雞蛋仔的睇法改觀，完全係同北角雞蛋仔係兩回事!! 佢地開張2年多，我作為黃埔街坊都幫親過無數次，今晚終於有時間寫番個寫評。媽咪雞蛋仔d雞蛋仔外脆內林，唔會太硬，蛋味十足，水準穩定!!今次依舊要了粒粒朱古力雞蛋仔，跟以住一樣，排隊攞飛，拿了飛後便在店外等叫號。可能因為過左繁忙時間，人客唔多的關係，等左3-4分鐘就有得拿。但相比起之前，服務態度冇以往咁好。『粒粒朱古力雞蛋仔』 (8.5分) 推薦！接過熱辣辣的朱古力雞蛋仔，拍過照後立刻先試一粒，外脆內軟(但有點過硬)，沒有上次那種皮脆內軟的效果，但仍然很好吃。雞蛋仔內部呈半空心，充滿軟熟的雞蛋仔漿及半溶的粒粒朱古力。每啖咬下去都充滿朱古力的香甜，甜苦度剛好，吃多也不膩。同時也吃到雞蛋仔的蛋香，沒有被朱古力味搶過去
相信香港人，一講起雞蛋仔，一諗就會諗起北角雞蛋仔.....佢地的原味雞蛋仔係比較出色，但質數好唔穩定，有時會係勁林，有時會過硬，蛋味又唔夠!
好似買六合彩，睇手神.....
除此以外，佢地的朱古力色雞蛋仔，聞就好香，食落去只略帶朱古力味，口感食落就好朱古力粉，普普通通。所以一般我食雞蛋仔都只會食原味，直至媽咪雞蛋仔的出現，令我對朱古力味雞蛋仔的睇法改觀，完全係同北角雞蛋仔係兩回事!!
佢地開張2年多，我作為黃埔街坊都幫親過無數次，今晚終於有時間寫番個寫評。
媽咪雞蛋仔d雞蛋仔外脆內林，唔會太硬，蛋味十足，水準穩定!!
今次依舊要了粒粒朱古力雞蛋仔，跟以住一樣，排隊攞飛，拿了飛後便在店外等叫號。可能因為過左繁忙時間，人客唔多的關係，等左3-4分鐘就有得拿。但相比起之前，服務態度冇以往咁好。
『粒粒朱古力雞蛋仔』 (8.5分) 推薦！
接過熱辣辣的朱古力雞蛋仔，拍過照後立刻先試一粒，外脆內軟(但有點過硬)，沒有上次那種皮脆內軟的效果，但仍然很好吃。
雞蛋仔內部呈半空心，充滿軟熟的雞蛋仔漿及半溶的粒粒朱古力。每啖咬下去都充滿朱古力的香甜，甜苦度剛好，吃多也不膩。同時也吃到雞蛋仔的蛋香，沒有被朱古力味搶過去。(層次感清晰)
雖然 HKD$15一底比坊間很多店貴，不過是物有所值的。
『原味雞蛋仔』 (6.5分)
雞蛋仔外層充滿了蛋香，新鮮香脆，內部呈半空心，厚度剛剛好，欠缺牛油香味，蛋味未算突出。
*製作上不能和大坑炭爐伯伯雞蛋仔相提並論。
『芝麻味雞蛋仔』(7分)
基本上跟 『原味雞蛋仔』分別不大，創意可嘉！
白芝麻跟雞蛋很配，但要很不經意才會吃出芝麻的味道。
张贴
