Brass Spoon (已結業)

中環不嬲都有好多間越南的餐廳，今日中午就想下呢間又係唔係好起眼嘅餐廳，從出面望入去，會以為係一間coffee shop。暫時可能係我係中環食過最好食嘅越南湯河，湯頭清甜再可自行選擇要唔要加牛油湯（我諗係牛脂吧），牛肉好食，肉質嫩滑。再加上自己可選擇蔥、莞茜、洋蔥份量。能夠可以加咁多蔥真係令人好興奮。.個個河粉有別於平日食嘅，佢係偏向有彈性而食落唔油口，而且好易掛湯，唔會一夾記散。環境又唔錯，坐得幾舒服。不過店內的食物選擇唔多，但貴精不貴多的話，我認為佢做得到了。