The Stadium (已結業)

今次又黎觀塘The Wave這楝新潮工厦食野，終於試左想食好耐的The Stadium，因為佢係一間特色cafe，用運動做主題，好多朋友去完都推介氣氛一流。一上到去，已經有部足球機係門口，可以比D客人等既時候玩下，見到一班上班族係到玩得興高采烈。我地兩個人好快就安排左入坐，餐廳環境好大，空間感十足，而且四周都有大電視播緊足球，好適合一班鐘意足球既人黎睇波。我地揀左兩個set dinner，首先上左個芝士龍蝦肉焗通心粉，貌相好靚而且份量大大碟，個面仲鋪左層麵包糠，中和返芝士個濃味，令整體食落冇甘膩，口感更加豐富。另一個係香煎鵝肝配松露醬雲吞，鵝肝煎得好香而且脆邊，入口已經溶溶地，真係好中意食鵝肝呀!! 意大利雲吞裡面的內汁好豐富，再配松露醬真係要比個讚，值得大家一試。因為我們都係雞冀控，所以另外我地仲叫左個水牛城雞翼，勝在醬汁夠多，食落可口。最後緊係唔少得食埋甜品，叫左個英式蘋果批，裝飾唔錯，味道亦都正常，為哩餐做左個完滿既總結。