ROYAL INN

話說丫妹係網上見到朋友嘅打卡相, 得知係The ONE新開一間以法國做主題嘅打卡餐廳, 就即刻book定位今晚去食dinner打卡。雖餐廳營業時間冇分時段, 但依然做了分段入座, 六點正才正式開始比dinner section入座。門外同內都設有座位, 門外仲有一個角落放著乾花佈置, 供食客打卡。注意, 座位安排方面, 二人/攜有寵物人士均會被安排坐門外, 而餐廳內只供應二人以上嘅檯, 而門外內氣氛都大有分別, 內為暗淡燈光, 較有浪漫氣氛。點了兩款小食、主食、甜品share, 每款食物上檯擺盤都好靚, 怪不得食物上檯時間較長。牛油果吞拿魚他他: 粉紅色吞拿魚放於牛油果醬同沙律菜之上, 伴有脆片、蕃茄仔、甜酸醋, 味道清新開胃。白松露薯條: 粗薯條香脆, 灑上黑松露同埋白松露片, 配上蕃茄同埋黑松露兩款醬汁, 提升味道。法國藍龍蝦意大利飯: 有半隻龍蝦份量, 肉質爽, 鮮味鹹鹹地, 意大利飯很正宗, 粒粒質感有層次, 偏有口感, 平均沾上濃郁鮮香creamy汁。Apple Crumble:熱辣辣焗起, 鬆化, 蘋果林中帶爽甜又多汁, 加入雲呢拿醬平衡甜度。