たまご園 (北角匯) (已結業)

北角嘅Tamago-EN 裝修可愛，佈置以雞蛋為主題，一望就知係食玉子料理。囡囡喜歡食雞蛋，行過話想食，平時經常人頭湧湧，見今日唔使排隊就即刻入去坐。餐牌上嘅玉子料理款式豐富 令人花多眼亂 。但係一定要試嘅就係生雞蛋拌飯，喺呢度嘅招牌菜，蛋白做到好似白雲咁咁鬆軟，中間嘅蛋黃橙紅色，好新鮮 放上飯上好可愛嘅感覺，大人細路都鍾意。大阪燒八爪魚卷，外形似玉子燒，蛋裏面包裹著好多八爪魚，同埋調味都似大阪燒，好惹味。另外叫咗個凱撒沙律 分量都算多，上面有個雀巢形狀的炸麵餅，裝住隻溫泉蛋。呢度竟然有鮮奶珍珠飲，估唔到日本餐廳都有得飲，有驚喜。