廢茶 (葵涌廣場) (已結業)

喺葵廣掃街嘅時候經過呢間新開張嘅茶飲店, 俾隻樹懶公仔吸引咗, 好可愛呢😍! 順便試吓佢哋嘅飲品~ 以樹懶作為主角, 杯身亦印上"跟樹懶學耍廢，爽爽人生不白費"~ 除咗芝士奶蓋茶飲、黑糖奶茶🧋之外, 仲有少見又特別嘅鮮青黃檸檬系列~ 🍋鮮青黃檸檸系列以新鮮泰式青檸及黃檸檬調配, 可以選擇配以原味紅茶/ 綠茶/ 古早味冬瓜茶作為茶底我叫咗青黃檸檬蜂蜜綠茶🍵 (微糖, 30%甜), 飲落真係泰式青檸＋檸檬🍋嘅自然清新味, 係滿滿維他命C! 茶味清香🍃, 同檸檬嘅酸甜融合, 加上蜂蜜嘅甜味🍯, 清爽酸甜, 好解渴~ 呢個甜度對我嚟講啱啱好👍🏻 廢茶除咗有飲品外, 仲有台式小食, 例如台式奶酥厚吐司🍞、花枝丸、甜不辣、窩夫等等。