武士拉麵 (已結業)

今日午餐心思思想食碗拉麵，問下同事有咩好介紹，佢話之前食過一間拉麵小店質素唔錯，咁我地就決定一齊黎再食佢啦。拉麵店很細，大概得10個位左右，真係好似置身於日本街頭的拉麵小店咁！拉麵的名很特別，每一款拉麵都以一位日本打仗的將軍命名，令人留下深刻印象。因爲我自己鍾意食豬骨湯底，就叫左個鹽味豬骨湯拉麵。碗麵黎到先試一啖湯，嘩！好濃郁！比我想像中差好遠（因為香港的拉麵店質素一向麻麻），味道真係可以媲美日本食的級數，塊叉燒有先燒過，味道更香。估唔到呢間小小的拉麵店令人咁有驚喜，下次一定會再來！