林記小食

紅磡後街小食檔，售賣各式街頭小食。

腸粉蒸得幾滑，一條條層次分明，冇黐埋一舊。 豉油、甜醬、麻醬等等亦都落得好慷慨。

燒賣大大粒，幾有彈性。

辣魚蛋夠入味，亦都相當有彈性。

螺肉、魷魚等等亦都好食。

其實，呢類街頭小食，稍為肯俾心機做，通常都唔會差得去邊。 但又好難話做到點樣好食到驚天動地，全港難求。 但求食得開心，抵食，衛生情況合格，咁就已經好好啦。 亦無需過份強求什麼。

當然，都有啲真係做得非常之差既，咁咪自己避開嗰啲囉。