陸她娜豬髀飯專門店 (已結業)

隨住屯門發展，各個大小商場／領𠥔商場都全部都大裝修，執靚靚迎接各食家。屯門華都商場，住係屯門既人都好清楚，雖然鄰近屯門市廣場，只在一橋之隔，但仍然有不少平價食店既。泰國菜，大家只會諗到去置樂小曼谷。而家就多個選擇喇。哩家餐廳係華都商場地下，大約有8張枱。當日入去時，剛好落場，只有老闆娘及三個泰國師傅仔落場食飯中。望下餐牌先，雖然冇下午茶，但價錢尚可接受吖最後我點了最近最鍾意食嘅香葉辣椒肉碎飯，真心覺得幾好食喎。炒得夠香，肉量適中不算少，再望望隻蛋，一篤就穿，有汁有肉撈飯，真係正吖。但係好老實講，杯凍檸茶真係好唔掂。完全係冇茶味，完全唔係檸檬茶嘅味道，係另一種泰國甜野飲囉。