影片
更多
2007-10-02
14 浏览
同事c之前極力推介呢度,可惜次次想去都有d阻滯,而且lunch time去又好似好趕咁,so無次去得成...呢排放緊大假,咁啱今日又要出銅鑼灣攪d野,攪完差不多1點半,即刻諗到嚟呢度,斷估佢唔會旺到點半鐘連一個位都無呱...坐鐵板枱order咗個銀雪魚+帶子+厚燒澳洲和牛(加$100轉)+炒飯+炒芽菜+味噌湯+漬物+豆腐雪糕(唔要coffee or tea可以轉雪糕)set:銀雪魚-燒得唔錯,保留住肉汁,唔會"乾憎憎",但係好細件帶子-燒得太乾,有d靭厚燒澳洲和牛-好好味,雖然未至於入口即溶,但係非常軟熟,但又唔係霉wor,好難形容^^,加上d炸蒜片夾到不得了,口臭都要食哂佢ar炒飯-麻麻地,油咗d炒芽菜+味噌湯+漬物-一般,無咩特別豆腐雪糕-唔係好食得出係豆腐味,可能d蒜片太大味la...^Q^食完放低筷子,想嗒真杯茶嘅時候就有個姐姐走埋嚟話幫我轉去sofa位,就係咁...我就裙拉褲甩咁跟咗佢過去,車...根本嗰兩個sofa位都未清理上一手d杯碟,要我企咗一陣等佢執,service呢度要扣d分!!!ps.個師傅臨走前問我夠唔夠食,乜我個樣似好大食咩=,=
坐鐵板枱order咗個銀雪魚+帶子+厚燒澳洲和牛(加$100轉)+炒飯+炒芽菜+味噌湯+漬物+豆腐雪糕(唔要coffee or tea可以轉雪糕)set:
銀雪魚-燒得唔錯,保留住肉汁,唔會"乾憎憎",但係好細件
帶子-燒得太乾,有d靭
厚燒澳洲和牛-好好味,雖然未至於入口即溶,但係非常軟熟,但又唔係霉wor,好難形容^^,加上d炸蒜片夾到不得了,口臭都要食哂佢ar
炒飯-麻麻地,油咗d
炒芽菜+味噌湯+漬物-一般,無咩特別
豆腐雪糕-唔係好食得出係豆腐味,可能d蒜片太大味la...^Q^
食完放低筷子,想嗒真杯茶嘅時候就有個姐姐走埋嚟話幫我轉去sofa位,就係咁...我就裙拉褲甩咁跟咗佢過去,車...根本嗰兩個sofa位都未清理上一手d杯碟,要我企咗一陣等佢執,service呢度要扣d分!!!
ps.個師傅臨走前問我夠唔夠食,乜我個樣似好大食咩=,=
张贴