鳴虎 (新城市廣場三期) (已結業)

成日黎沙田，但唔講唔知，原來沙田新城市廣場一田地下有幾間食肆，而今日就試下其中一間———鳴虎。 佢地位置係一田熟食區個邊，如果無留心真係會睇唔到，另外佢地坐位比較少，要食到佢就要睇下運氣啦🤪🤪日本魚乾豬骨湯拉麵拉麵有紫菜、木耳、流心蛋、叉燒，叉燒煮得幾淋，肉亦比較厚，食落好有滿足感，表面用咗火鎗燒過，多咗層焦香味，真心唔錯😋豬骨湯底加上魚乾香，相比起純豬骨湯多咗個層次感，麵底係幼身麵，掛湯能力高👍👏🏻蝦味噌豬骨湯拉麵整體蝦香味十足，湯底香濃得黎唔會有腥味，同魚乾豬骨湯拉麵既分別就只係湯頭不同😆肉餃子肉餃子🥟並唔係出面咁煎出黎既，而係用炸既方法處理，但又出奇地唔錯，肉餡飽滿，外表香脆，推薦！👍👍👏🏻👏🏻😋😋