老鍋台式火鍋 (京都廣場) (已結業)

因為好想念早排同朋友去台灣日日去食麻辣火鍋嘅日子，所以之前就去咗呢間老鍋懷緬下台灣嘅味道！由於book咗枱嘅關係，我同兩位朋友一入餐廳就有位。當晚所見其實都幾full下，好多「一大班人」嚟食火鍋，所以大家唔想等就記得提前book位啦！嚟之前已經同朋友研究過個menu。本身我地係想食一半椰子雞一半麻辣鍋嘅，可惜店員同我地講椰子雞只可以成個上，所以想食辣嘅我地最後就揀咗一半麻辣鍋同一半養生鍋。 店員問我地要咩辣嘅時候好貼心咁提我地可以試咗小辣夠唔夠辣先，唔夠可以再加。我地本身諗應該都要加辣因為我地係台灣都係食開中辣，點知呢個鍋應該係柔合咗香港特色，比一般小辣再辣啲！抱住會越煮越辣嘅概念，我同朋友們都決定今晚小辣算。 我同朋友都認為兩邊藥材味唔夠重，不過食落都ok。 麻辣鍋係會連鴨血同豆腐上嘅。豆腐方面都幾入味，不過個鴨血就有微腥，我同朋友們食咗一舊就放棄咗，拎嚟煲湯算。 反而養生鍋嗰邊啲龍眼煲耐咗又幾好食。配料方面，我地嗌咗綜合丸、韭菜餃、魚皮餃、墨魚滑、凍豆腐、腐皮、寬粉、娃娃菜、牛小排同黑毛豬食。 其中比較出色嘅係韭菜餃、魚皮餃、腐皮同黑毛豬。 我覺得好掛住台灣嘅味道又未有得飛住嘅朋友