鉄火堂 (厚福街)

营业中

休息中

今日嚟到尖沙咀哩間日本丼飯餐廳。餐廳係木系居酒屋裝潢，有兩排二人及四人座位。餐牌～自選珍寶丼有六款唔同嘅飯可以選擇，而配料可以選擇八款。🔸自選珍寶丼🔺第一碗揀咗冬菇壽司飯（醋飯）、厚切三文魚、厚切劍魚腩、北寄貝、蟹膏、帆立貝、赤蝦及海膽魷魚三文魚同劍魚腩都新鮮肥美，充滿魚油香，北寄貝爽脆，帆立貝鮮甜，赤蝦彈牙，而蟹膏同海膽魷魚都好適合撈飯。冬菇壽司飯混合冬菇絲，口感豐富，喺出邊真係好少見到～🔺第二碗揀咗薑味壽司飯（醋飯）、碎蔥吞拿魚、厚切三文魚、厚切劍魚腩、烏賊、北寄貝、帆立貝、馬刀貝及赤蝦碎蔥吞拿魚口感軟綿細滑，烏賊鮮甜有嚼勁，馬刀貝質感爽彈。薑味壽司飯薑味濃郁突出，啱晒愛薑人士～🫔油甘魚手卷、大拖羅手卷兩份手卷都好好食❗️油甘魚同埋大拖羅都有兩大塊，油甘魚肥美甘甜，充滿油脂香，大拖羅油花散佈均衡，入口即融，甘甜鮮美，真係令人相當滿足。