前菜，有南瓜湯同牛角包，南瓜湯面層有一浸橄欖油，飲落有濃濃的南瓜甜味，配滑湯的口感，值得一讚，
沙律係雜菜的田園沙律做底，配上黑醋，沙律醋調校嘅味道啱啱好，微酸可以中和左沙律菜嘅苦味，突顯返菜嘅甜味。上邊再鋪上蘋果薯仔沙律同煙雞胸，薯仔蘋果沙律用咗沙律醬調較，味道偏向芝麻醬，但更加有層次，值得一試。
飲品鴛鴦，係奶茶底，配上奶泡，再用咖啡冰磚，奶茶同普遍茶餐廳奶茶差唔多，而上邊有奶泡所以奶味會較重，奶泡較甜，冰磚係全咖啡整成，同普通呢樣最大的分別是，要等粒冰慢慢溶，飲到唔同層次的鴛鴦，創意滿分。
