柳氏家 (已結業)

同朋友講起去韓國就好掛住佢地既美食，又想食韓國炒雞了！知道有90分鐘任食鐵板炒雞，有得炒雞又可以食燒肉放題，岩哂我地。我就唔太食得辣，所以揀左烤肉味惡魔辣炒雞再加韓國拉麵😍😍。自己落手落腳炒都幾好玩，有大量配菜：京蔥、紫洋蔥、金菇、年糕、芋泥年糕、芝士年糕、芫荽等，炒果時已經好香了，雞肉微微辣岩哂我，跟住挑戰炒拉麵，職員好好會幫忙炒，其實鐵板炒雞都係任食。不過我地又想試燒肉放題，職員會幫我地換爐，係面放左張牛油紙添，甘樣冇甘易燒燶，自助區，有燒肉區都幾多款式，牛肉、豬腩、雞翼，大腸等連海鮮：帶子、蝦、魷魚都有！豬腩肉同牛肉都醃得好入味，另外仲有蔬菜區，有翠玉瓜、菇、南瓜片，如果想冇甘膩，最岩配生菜、大蒜、泡菜黎食。飲品都有幾款，雪糕方面有香桃味😍😍真係好滿足。