蘇媽.蘇媽馬來西亞茶餐室 (已結業)

來到蘇媽蘇媽，當然要嚟試下個肉骨茶，肉骨茶湯底有好多款可以揀嘅，今次我就揀咗棒棒骨。肉骨茶個味道非常之好，當歸嘅味道好濃，返工好忙好少機會可以煲呢啲湯，所以嚟食呢個肉骨茶一定要添多兩碗飲，當然職員都好客氣咁幫你添加。咁啱嗰日有少少瞓得唔係咁好，有少少頭痛，飲咗呢個當歸茶之後頭痛都少咗。棒棒骨有三條，非常之大好多肉，幾襯肉骨茶。跟住嗌咗個椰香咖央多士，好多人話好好食但係我自己就覺得有啲甜。飲品呢我就揀咗一杯馬來西亞嘅凍拉茶，都可以，不是太濃。