Kinson Burger & Bar (已結業)

去鰂魚涌，先發現果邊真係冇乜野好食，仲要勁難搵位。😰難得見到呢間「Kinson Burger & Bar」有啲興趣，我地9個人結果分3張枱，等左至少15分鐘先全部坐低哂。—例牌野漢堡包同意粉，見到啲意粉賣相麻麻地，都係食漢堡穩陣啲。😅未坐低已經叫定先，如果唔係實趕唔切lunch time完之前返去。—蘑菇車打芝士漢堡個包既賣相其實唔差，不過果幾條薯條就顯得有啲人丁單薄啦。🤣講返個包先，藍妹都幾Surprise佢個包會咁大隻。漢堡既肉非常重要，亦最需要功力去煮好，今次都算係藍妹最失望既一次。☹️牛肉煎到全熟，完全乾哂，一啲肉汁都冇，用叉一吉落去，肉就散開哂一舊舊。😩就算有少少蘑菇同芝士都好，都冇辦法搭救到果種又乾又鞋既口感。🤢撇除肉唔講，個包出奇地幾出色，烘得非常鬆軟，邊位仲有少少脆脆地。最後藍妹只係食哂個包同薯條，有半塊肉冇食到。😞—作為一個漢堡，就算個包整得幾好食都好，中間既配料冇辦法令人食得落口，就點都冇用。🤐