人人和平小飯店 (已結業)

點咗下裝，鵝皮脆，但肉唔夠鮮甜。豆腐炆班頭腩，係裹炸粉炸定先炆，勉強啦。食完唔口渴都值得讚咯。整體唔差，坐得密，但唔算侷促，香港地產霸權，冇法。微調一下，忠言逆耳，老板聽唔聽得入呢?1) 食到近九點，見廚房勤力清潔玻璃，既然咁乾淨，廚師為何唔戴帽?收費又唔似爛撻撻嘅茶餐廳，提升一下形象得啩? 大家樂都做到， so can you!2) 話喺非是卜點讚、Tripadviser 寫食評送一杯紅酒。唔可以先送，埋單先算咩？未食點寫，點讚，吹漲! 紅酒不過不失，但要收番服務費4.8!老板條氣咁唔順就唔使送啦!3) 廁所未夠整潔，員工應多注意下。隔離枱阿姐埋單走人，留低舊(一舊哦)用完紙巾喺疏化，到我地食完都一路冇執。