豐盛餐廳

今晚同友人想搵舒服又環境幾好既餐廳，咁就選左呢間係工廈附近比較僻少少既地方。因為如果想晚上係觀塘食飯，基本上好多間都要等位，唔係就好多人，而呢間都唔算好僻，地鐵站行過去都只係十零分鐘就到😁

本來想食日本野，以為上樓上間豐盛居酒屋，點知原來晚上無開，咁原來可以照叫豐盛居酒屋d野食，不過係豐盛餐廳食。咁我就叫左海膽牡丹蝦魚生丼餐，而友人就叫西餐，就叫左牛柳伴牛油大虎蝦，另外加左個鵝肝多士。

個海膽魚生飯我覺得唔錯，因為d魚生新鮮，而算多料，有海膽、三文魚、油甘魚，北寄貝、帶子、牡丹蝦，首先海膽確實一讚，因為平時係其他店食會有陣臭味，但好明顯呢度既海膽係新鮮，所以完全無臭味，仲食落有甜味而跟餐附近既天婦羅亦都唔錯，以$149既價錢有沙律、湯、天婦羅、刺身丼、甜品、飲品確實抵食👍👍

另外，友人點個個鵝肝多士真係不得不推介，因為佢個鵝肝真係香口同埋大件，好味😋😋不過個多士就失色少少，因為唔係脆口，係腍身。而佢叫個西餐- 牛柳併虎蝦，主菜都失望少少，牛柳肉身係嫩滑，但係無咩味，而虎蝦彈牙同好香牛油味，所以虎蝦值得推介😛

呢間餐廳我會再去，因為人唔多，位坐得舒服，好味又抵食😆😆

海膽牡丹蝦刺身丼

1

好好味

麻麻地，無忌廉味

1