鳥鑫

营业中

休息中

喺香港食日式串燒食到飽，好多時都價值不菲，不過鍾意居酒屋文化都冇計，最緊要揀返間隨便叫都好味嘅串燒店。野菜條非常新鮮，尤其是沙葛條可以話係我食過最清甜嘅，多汁、厚切，連平時少食菜嘅朋友都讚口不絕。雞頸肉其實平時食都唔覺有咩特別，但呢度好明顯食得出真係幼嫩又煙靭，合埋眼都感覺到佢係雞頸肉，值得一試。白鱔滿足晒所有好食嘅條件：厚實彈牙、有魚味、魚皮焦脆，鍾意燒鱔嘅必叫。雞甲狀腺聽個名好似好恐怖咁，我都係第一次食，可以話係全晚最難忘。 如果你唔話我知嘅話，其實我完全覺得係柔軟版嘅燒雞皮，夾雜咗好多油脂，所以咬落去好甘香多汁。雞肩肉連咗少少脆身嘅雞皮好香，啖啖肉有肉汁，係新鮮日本產雞肉嘅味道。白菌水潤菇味濃，好岩作為食完咁多款肉嘅結尾。