文鼎酒家 (已結業)

今晚我们去咗湾仔大王东街嘅「文鼎酒家」食晚饭！我们叫咗文鼎鲍鱼酥、文鼎脆皮熏鱼、稻草红烧肉、咕噜龙脷斑球、文鼎糟香鸡、火朣云吞老鸭汤同东方之珠！文鼎鲍鱼酥嘅鲍鱼炆得非常软滑腍身，加埋相当浓郁嘅鲍汁，真系超好味呀！系本人嘅必食推介！文鼎脆皮熏鱼嘅熏鱼表面非常香脆，肉质极之嫩滑，加埋超香甜浓郁嘅秘制酱汁，真系好惹味呀！稻草红烧肉炆得好腍好入味，肉质相当松软，最好嘅系完全无肥腻嘅感觉！咕噜龙脷斑球嘅肉质超嫩滑，炸粉亦唔会好厚身，酱汁嘅味道酸酸甜甜，非常醒胃！文鼎糟香鸡嘅鸡肉好滑，酒味亦好香浓！火朣云吞老鸭汤嘅汤底非常浓郁，云吞亦好软滑！东方之珠嘅卖相超级精致吸引，呢颗东方之珠又好似将天上嘅月亮摘咗落嚟拥抱住嘅感觉，煎堆嘅质感相当烟韧弹牙，就算冻咗都一样咁好味，真系值得一试！