達摩元祖麵屋 (已結業)

之前上網睇過呢間拉麵店既介紹，所以就相約友人一起去試下!餐廳位於近尖東那邊的寶勒巷內，門外有一個勁大個的日本達摩裝飾，非常吸睛!餐廳燈光柔和，跟平時食開的拉麵店不同，以4人枱為主。因為這間麵屋除了有拉麵食，仲有其他特色小食可供大家選擇。不過今天主要的目的是要吃拉麵。拉麵有很多款湯底可以揀，而且這裡還可以揀選叉燒的款式，對於唔中意食好肥叉燒的我，絕對係恩物!姬達摩-辛辣湯拉麵(小辣)配豚肩叉燒($82)，近排唔知點解好想食辣，所以就揀選了這個辣湯底!冇諗過小辣都幾辣下!湯麵附有炸醫、紫菜、半熟蛋。而蔥、筍及蒜蓉係可以揀要唔要的，這幾款配料我都食，所以當然要啦!麵底都可以揀幼麵或粗麵，而我本身比較中意食粗麵，所以就揀粗麵。完全冇諗過呢個湯底可以辣得咁過癮，紫菜同筍吸收了湯的味道，食既時候辣辣的!而麵底爽口彈牙，辣湯掛哂係粗麵中，食落非常刺激味蕾。而豚肩叉燒有2塊，唔會切得好薄，食落好有口感!完全係要大讚這款拉麵!松川達摩-雞骨醬油湯拉麵配豬軟骨($78)，湯底很清甜，有雞的味道，唔會好油膩!豬軟骨有2舊，食落肉質都幾鬆軟。這款拉麵食完唔會有好滯的感覺!元祖達摩梳打(檸檬味)($28)及招財