影片
更多
2021-01-24
122 浏览
果日去藍塘傲搵朋友, 去附近搵食選擇真係唔多, 星期六既lunch時間果然間間都要排隊, 行行下見到有間好正既cafe, 可以帶埋狗狗一齊入去, 朋友話呢間係新開既, cafe既裝修好靚, 走華麗風格, 亦有好多型格打卡位, 設計亦好有心思, 戶外坐位偏低等主人可以同狗狗一齊進食, 無錯, 狗狗都有自己menu呀! 真係好用心! 感覺到店主應該都係愛狗之人!! 反正間間都要等就揀呢間啦!!等位既時間忍唔住趁有機會(食客離開執枱既空隙)就去影下cafe既裝潢, 影完再先望望menu先, 當然講緊人食既部份😆 款式比想像既豐富呢, 好多款都想試, 好彩有4個人大家可以揀多啲唔同既款式! 大約等咗半個鐘有得入座啦! 即刻去order先! 揀咗 All day breakfast, 明太子大蝦意粉配天婦羅脆脆, 溫泉蛋黑松露忌廉雜菌意粉, 脆炸牛油果條, 柚子蜜糖單骨雞翼.飲品既選擇好多款睇個名都好特別, 我地揀咗 Tiramisu Coffee, Early Grey Cholocate, Sky Lemon Soda, Green Tea Latte等咗一陣食物開始上枱, 哇真係不得了!!
等位既時間忍唔住趁有機會(食客離開執枱既空隙)就去影下cafe既裝潢, 影完再先望望menu先, 當然講緊人食既部份😆 款式比想像既豐富呢, 好多款都想試, 好彩有4個人大家可以揀多啲唔同既款式!
大約等咗半個鐘有得入座啦! 即刻去order先! 揀咗 All day breakfast, 明太子大蝦意粉配天婦羅脆脆, 溫泉蛋黑松露忌廉雜菌意粉, 脆炸牛油果條, 柚子蜜糖單骨雞翼.
飲品既選擇好多款睇個名都好特別, 我地揀咗 Tiramisu Coffee, Early Grey Cholocate, Sky Lemon Soda, Green Tea Latte
等咗一陣食物開始上枱, 哇真係不得了!! 每款既擺盤睇得出花過心思, 尤其Tiramisu Coffee & Sky Lemon Soda真係靚到不得了!! 當食物放晒上枱時真係華麗又勁豐富, 大家都忍唔住係咁影相🙈
影完就開餐啦, 明太子大蝦意粉配天婦羅脆脆唔錯, 明太子味濃郁, 溫泉蛋黑松露忌廉雜菌意粉好creamy好夠黑松露味, All day breakfast材新鮮, 脆炸牛油果條普普通通, 柚子蜜糖單骨雞翼有驚喜! 雞翼夠香辣但亦有好濃既柚子味, 正!!
我揀咗杯Tiramisu Coffee好好味, 面層Tiramisu配上下面咖啡既苦好有層次, 搞到最後忍唔住叫埋甜品Tiramisu! 朋友既Sky Lemon Soda靚到唔捨得飲, 飲品以香水樽去裝, 另有一支蝶豆花俾你加落檸檬梳打, 整個即刻華麗升級!! 另外Early Grey Cholocate & Green Tea Latte朋友們都話唔錯呢!!
食物份量ok叫埋小食開心share食完飽晒, 每人都係$160. 開開心心難得朋友相聚解一解壓又搵到間令人心情放鬆既cafe, 又見到好多可愛既狗狗, 推介!
张贴
