阿元來了 (北街)

大家會唔會好似我咁行街行到攰攰地，想坐底飲杯嘢，但近嚟幾年大部分台式飲品店都只做外賣，難得屋企附近有間阿元來了，佢地好好唔介意我只叫飲品😁😁
下午茶時段唔算多人，就叫咗胚芽珍珠，芋香珍珠同埋台灣香腸。
兩杯嘢飲都唔會好甜（可能係我叫咗小甜🤣）珍珠都好煙韌，ok 呀。
台灣香腸就無乜特別，不過跟埋蒜片，非常貼心👍🏻
下次想試滷肉飯，花枝丸同埋蚵仔大腸麵線
P.S. 嚟咗好幾次，職員服務都好好，讚👍🏻
會唔會再幫襯？答案係《會》