海街丼 (東港城)

营业中

休息中

由鰂魚涌店已經想試，將軍澳開左就去試，是我期望太高所以失望嗎🙍🏻‍♂️？鋪頭裝修係ok的，但武漢肺炎下就顯得台與台間較近，會聽到隔離台講咩。嗌左個海寶丼（上），應該最大路。海街丼同一般魚生丼飯最唔同既地方應該要數到佢個醋啫喱，好愛呷醋的我表示期待。丼飯係白飯，要靠個啫喱提味，但啫哩放左入飯到唔融，有時會好酸，有啲又無味，食落唔係好夾。隔離有個保溫樽，入面放左魚湯，飲係ok，淡淡地既魚味，但撈落飯到做茶漬飯就好淡，無咩味，又唔係好夾。試過就唔會翻兜，呢個價錢，有更好食既選擇，附近既鮪世市場已經更好食。