影片
更多
2015-01-30
2422 浏览
食肆位於唐樓一樓，地方唔大，食物唔可以掛起俾揀，只係放喺一個小地方俾客人睇。首先黎碟豬腸灌糯米，細細粒，味道一流，腸唔靭，糯米軟硬適中，熱辣辣，配埋佢既汁，極速掃清。普寧豆腐，餐牌寫住3件起，一心諗住5個人食，當然叫6件啦，但醒唔起其實一開二，所以有12件。炸得的確實香口，連一向唔多食炸物既阿媽，都話好食，差不多俾佢食咗半碟。食潮州菜無理由唔叫鹵水嘢，為咗滿足大家想試既食物，最終揀咗拼盤。不過拼盤真係樣樣有少少同得少少，食得唔夠過癮，無墨魚同得兩片豆腐托底有D失望，加上味道只係一般，無特別。反而碟鹵水豬手味道就OK，夠味。本身我唔鍾意食過份林既豬手，所以呢個口感啱我，而托底既花生份量，終於可以滿足到我阿爸。九肚魚烙第一次試，可以話最感意外，咁多樣餸最好食呢個。好多人怕食九肚魚係因為唔識吐骨，但呢個炸得夠香脆之餘，唔會覺有骨，大啖大啖食，爽，5個人一路食一個讚。而個蠔餅就唔掂，蠔夠肥夠多，可惜做得唔夠乾身，太多油，大家都係食一啖就算。鹹菜門鱔煲，賣相同我哋想像唔同，不過味道OK，份量都夠，但阿爸就話唔似地鋪式食嗰種門鱔味道同風味喎。雙黃麵係我去潮州食肆必點，可惜整得唔夠金香，麵身濕同林咗
首先黎碟豬腸灌糯米，細細粒，味道一流，腸唔靭，糯米軟硬適中，熱辣辣，配埋佢既汁，極速掃清。
普寧豆腐，餐牌寫住3件起，一心諗住5個人食，當然叫6件啦，但醒唔起其實一開二，所以有12件。炸得的確實香口，連一向唔多食炸物既阿媽，都話好食，差不多俾佢食咗半碟。
食潮州菜無理由唔叫鹵水嘢，為咗滿足大家想試既食物，最終揀咗拼盤。不過拼盤真係樣樣有少少同得少少，食得唔夠過癮，無墨魚同得兩片豆腐托底有D失望，加上味道只係一般，無特別。
反而碟鹵水豬手味道就OK，夠味。本身我唔鍾意食過份林既豬手，所以呢個口感啱我，而托底既花生份量，終於可以滿足到我阿爸。
九肚魚烙第一次試，可以話最感意外，咁多樣餸最好食呢個。好多人怕食九肚魚係因為唔識吐骨，但呢個炸得夠香脆之餘，唔會覺有骨，大啖大啖食，爽，5個人一路食一個讚。
而個蠔餅就唔掂，蠔夠肥夠多，可惜做得唔夠乾身，太多油，大家都係食一啖就算。
鹹菜門鱔煲，賣相同我哋想像唔同，不過味道OK，份量都夠，但阿爸就話唔似地鋪式食嗰種門鱔味道同風味喎。
雙黃麵係我去潮州食肆必點，可惜整得唔夠金香，麵身濕同林咗D，失望。
反沙芋又係潮州鋪必食既甜品，佢做得好好，唔會一夾起就甩咗成塊糖，又唔會過份甜，芋頭又夠香，所以就算飽，都忍唔住食。
最後仲叫咗兩碗清心丸綠豆爽，不過因為老板娘想做多枱生意，佢決定送俾我哋食兼FREE我茶錢，條件係要我哋埋單。橫掂都諗住走，咁好既條件當然答應啦。好彩碗糖水係送，味道真係麻麻地，太淡。
做咗咁多樣最只係$930，價錢都OK。
张贴
