泰道 (已結業)

開張禁耐都無試到，次次行過都有一班人響度等位。今次行過都大班人響門口等，但比我見到有一張細枱，2個人就go啦！叫咗 鹽燒鰂魚，柚子沙律，冬陰公（細）,鐵板蠔仔蛋，泰啤2支。鹽燒鰂魚，燒得啱啱好，柚子沙律，ok.冬陰公（細），真系細咗啲，味道唔辣，仲有點甜味（港式冬陰公）鐵板蠔仔蛋，蠔仔多，唔似出面食得幾隻，仲有啲系大隻蠔仔。泰啤就要$36/支。唔洗加一，算系ok.服務唔錯，手快快。抹枱我就比足101分，好乾淨。