初見 (已結業)

見到旺角開咗呢間新餐廳，所以夜晚同朋友嚟咗食。平日七點幾到都唔使排隊幾好！一入到餐廳已經聞到好大浸牛味！坐低咗之後睇個Menu勁多嘢都好想叫😂好似咩嘢食都有咁! 又有得打邊爐，吉列牛，魚生飯，意粉，咖喱飯，壽司…搞到我同我朋友都唔知食咩好😂😂😂最尾我同我朋友叫咗個香草吉列牛同埋牛肉鍋嘅火鍋。佢張枱都已經整好咗每人一個位都有個打邊爐嘅電磁爐～好方便！另外佢加$38就可以有刺身，湯（可簡麵豉湯或者南瓜湯）再加野飲。嘢飲方面叫咗個宇治抹茶同埋一個熱柚子蜜都唔使另外加錢！刺身嘅話就每人有total有4件🍣南瓜湯都幾好飲！另外我哋都叫咗個小食拼盤～我覺得最好食係一口芝士同埋紫薯薯餅！不過其實都食得出係來貨，但係都整得幾好食！香草吉列牛，我覺得幾靚！因為佢成條邊都係綠色！每邊煎十秒多再加啲鹽就覺得啱啱好啦😬都幾重牛味攞嚟送飯一流！不過我同我朋友都覺得冇乜香草味😂😂😂另外嗰牛肉火鍋我哋就覺得正常似出邊打邊爐嘅質素😂不過啲牛都特別多!個人認為下次可以試其他😌總括嚟講，係覺得個價錢好抵！會再返嚟食～因為實在太多嘢食啦😆😆同埋我覺得個吉列牛整得幾出色！