鍾菜 (已結業)

一號九龍係一個新場，位置偏僻人流較少，時鐘車位都比較少，最多人流應該係鍾菜喇。 摩登而新潮嘅裝修，絕對唔似舊式酒樓嘅格局，我哋兩個人就坐兩人梳化位，寬敞舒服，而其他坐位相對迫，背對背。 服務差由於唔夠人手，無人沖水連埋單都要等25分鐘，我哋都等得好無奈。點心多選擇，買相靚仔，味道唔錯，水準夠平均，但等咗好耐，幸好我哋唔趕時間。紅油炒手，不過不失!鴨腳扎，鴨腳腍，配料新鮮，可以再食!蟹籽燒賣，蝦爽口，肥豬肉唔多，ok!鮮蝦腸粉，蝦爽口，腸粉唔硬，可以!叉燒酥，上枱仲暖曖，香口鬆化，唔錯!