匠心廚房

朋友難得返香港，好掛住中菜。專登約咗佢嚟食呢一間私房菜。環境闊落坐得好舒服，可以慢慢傾偈。

見佢個蠔餅幾吸引，好快就上咗菜，啱啱炸起好脆。佢個汁太鹹，建議大家唔好點咁多，如果係甜酸醬更好。我見唔同餐廳嘅蠔餅配嘅汁都有啲唔同。

仲嗌咗個桂花瑤柱炒蟹肉，鑊氣好粥上菜仲出梗煙，如果蟹肉嘅份量多啲會更好。仲有個滷水拼盤，反而呢一個係最出色，所有配料都炆得好入味，滷水鵝夠冧。

最後嗌咗三個甜品，好在份量唔多，如果唔係一定食唔晒。最鍾意芒果糯米飯，唔太甜，而且糯米係煙煙韌韌嗰種。朋友就鍾意食個紅豆沙。