砂煲兄弟 (東港城) (已結業)

屋企無飯食，於是要在屋企附近搵食。 搵食總是特別困，因為沒有什麼特別好食需我想返兜。砂煲兄弟其實就是簡單，所以我再去，之前同媽咪去，今次同阿爸去，可能下次同阿爸阿媽一齊去。今次我點了竹笙杞子浸時蔬、京式回鍋肉及咸魚肉餅煲仔飯。味道不錯，好在全部都沒有太濃的調味，也沒有感到好強的味精。 特別一提的是，可以打響名堂做煲仔飯，煲仔飯應該有一定質素。煲仔飯上枱嘅時候，白米一粒粒豎起，有少少晶瑩，放一下，飯焦就會開始結起，剛剛好。煲仔飯專用的豉油也剛剛好，這樣的調味適合平時家常便飯。