101臺灣品味館 (已結業)

今日去咗太子行街 朋友話想食台灣野 咁就是旦入咗呢間餐廳啦餐廳唔算好大 一間小店咁啦 都幾多人食緊 我地兩個就咁啱有位 呢間嘅肉燥飯都有好多款餸可以配 台式飲品又有好多款 我地都揀咗好耐先揀到食咩飲咩 我就叫咗鹽酥雞排肉燥飯 友人就揀咗豬軟骨肉燥飯 我地兩個都揀咗飲芋香奶茶兩個飯嘅肉燥都唔算多 而肉燥就真係得肉碎 唔會有其他好似冬菇咁嘅配料 都幾乾身 鹽酥雞排都炸得幾炸 但係略嫌有啲乾 豬軟骨都整得幾林 如果可以冇咁碎 大嚿啲就好食啲 跟飯嘅嗰塊菜就太硬啦 好難咬得開芋香奶茶就正正常常 都有芋香味嘅 幾好飲咁嘅價錢嘅飯餐都算做得中規中矩啦