老掌櫃東北菜館 (已搬遷) 新店位置

我個人不嬲對刀削麵情有獨鍾，見到呢間有得食，即刻走去試。分別點了雞絲粉皮、一碗牛犇刀削麵及一碗上海排骨刀削麵。首先牛犇刀削麵，湯底濃郁帶少少藥材味，牛肉燜得好入味好軟熟，唯一美中不足係刀削麵，並非平時麵店即削嗰種，而係買現貨嗰種波浪紋麵，又薄又無𡁻頭，咁都要額外加$2，真係有點兒那個。另外，上海排骨麵，湯底ok, 但塊排骨就... 薄到好似肉片咁，最難受係個調味，好重香茅味，如果我食緊越南菜的話以香茅醃製尚算合理，但我食緊東北上海菜，完全不是那麼一回事，而且醃得太重手，完全好似食香精一樣。全餐最值一讚係雞絲粉皮，粉皮非常滑，麻醬調味恰到好處，Good ! 整體而言，這家店的調味做得吾錯，味精吾多，如果個刀削麵可以改改更完美。