大勝丼 (已結業)

作為丼飯控，每當有新「丼鋪」開業，都會立即去試試，今次就比我搵到位於旺角新城嘅大勝丼，一於試下。搭𨋢上到五樓，一出𨋢就會見到。店面走日式風格，簡潔俐落，都幾寬敞，坐得好鬆動。餐牌上面寫住：- 本店全日免加一- 堅持即叫即煮（所以要等15-20分鐘）- 最重要食飽（麵豉湯、米飯可隨意添加）哇！！呢間簡直係我食過最人性化嘅丼飯店，米飯、麵豉湯無限任添呢樣野聞所未聞，老闆好波！晚餐套餐包括：麵豉湯、飲品、甜品飲品有以下款式，任君選擇：甘蝦海膽丼 $138最鍾意食蝦仔嘅我一定點呢款，甜蝦五大隻，加一大堆海膽，仲有三文魚籽，相當豐富！蝦同海膽都甘甜美味，估唔到最令人喜出望外嘅係三文魚籽，新鮮到一個點，喺口腔內拼發，簡直鮮味無窮！米飯嘅份量好多，喺底下壓得幾結實，我食晒成碗真係好飽，相信一般人都唔需要添飯。北海道魚生爆丼 $168朋友飢腸轆轆，點左招牌爆丼，一上桌我地都心心眼，好吸引呢！配料有三文魚、吞拿魚、海膽、帶子、甜蝦、三文魚籽、玉子燒等等，太豐富了。本來覺得丼飯略貴，但見到刺身咁肥美、新鮮，其實只不過係一分錢一分貨，價錢都合理。是夜甜品係雪糕糯米糍，綠茶味，正合我心意🤗仲有印仔可以儲，每嗌