影片
更多
2021-09-11
25 浏览
放假今日嚟到尖沙咀，正當我哋諗緊食乜嘢好嘅時候，就俾佢嘅招牌吸引咗。佢哋用咗一個好大嘅霓虹燈招牌，吸引咗我哋嘅視線，於是我哋就上去睇吓。發覺原來佢哋係一間以大麻做主題嘅餐廳，喺外國已經成日聽到有人將大麻加入食物裏面，但係自己就從來未食過。餐廳有介紹，原來大麻分咗兩種成份，其中一種成份會令人上癮，令一種成份就會令人放鬆，佢哋採用嘅正正就係只會令人放鬆嘅成份CBD。我哋首先叫咗一個前菜，芒果沙沙吉列虎蝦墨西哥薄餅，虎蝦真係好大隻，配埋沙沙嘅醬料，酸酸甜甜真係好開胃。然之後再叫咗一個薩他羊架配楓香乳酪醬伴蘋果玉桂藜麥沙律，淨係聽到個名就知道有好多配料同埋煮法一啲都唔簡單。羊架燒到啱啱好，好嫩滑，再加上有沙律嘅配搭，剛剛好中和左油膩嘅感覺。再要多咗個蒲燒海鰻玉子炒洋薏米，我自己就第一次食炒洋薏米，感覺好特別好好食。鰻魚係非常之新鮮彈牙，仲有好薄嘅玉子絲，做到好似一個雀巢咁樣，賣相一流。仲叫左鐵板青咖喱安吉拉雞捲，呢度嘅咖喱都比較甜，比較容易入口，配埋炸咗嘅雞卷食，配搭得非常之好，可以吸收咖喱汁，再一次過食落口。飲品方面叫咗一杯蜜桃乳酪奶昔，下一天是飲酸酸甜甜嘅凍飲，真係好開胃同埋可以消暑，整體
發覺原來佢哋係一間以大麻做主題嘅餐廳，喺外國已經成日聽到有人將大麻加入食物裏面，但係自己就從來未食過。餐廳有介紹，原來大麻分咗兩種成份，其中一種成份會令人上癮，令一種成份就會令人放鬆，佢哋採用嘅正正就係只會令人放鬆嘅成份CBD。
我哋首先叫咗一個前菜，芒果沙沙吉列虎蝦墨西哥薄餅，虎蝦真係好大隻，配埋沙沙嘅醬料，酸酸甜甜真係好開胃。
然之後再叫咗一個薩他羊架配楓香乳酪醬伴蘋果玉桂藜麥沙律，淨係聽到個名就知道有好多配料同埋煮法一啲都唔簡單。羊架燒到啱啱好，好嫩滑，再加上有沙律嘅配搭，剛剛好中和左油膩嘅感覺。
再要多咗個蒲燒海鰻玉子炒洋薏米，我自己就第一次食炒洋薏米，感覺好特別好好食。鰻魚係非常之新鮮彈牙，仲有好薄嘅玉子絲，做到好似一個雀巢咁樣，賣相一流。
仲叫左鐵板青咖喱安吉拉雞捲，呢度嘅咖喱都比較甜，比較容易入口，配埋炸咗嘅雞卷食，配搭得非常之好，可以吸收咖喱汁，再一次過食落口。
飲品方面叫咗一杯蜜桃乳酪奶昔，下一天是飲酸酸甜甜嘅凍飲，真係好開胃同埋可以消暑，整體來講每一個菜式都配合得相當之唔錯，夏天食係非常之好，食完唔會吔飽濟嘅感覺，就算之後行街都唔會頂住頂住，誠意推薦比大家。
张贴
