牧羊少年咖啡館 (已結業)

雖然地方唔係好大，但係都算寛躺， 周圍都放滿左書，不過書嘅種類唔算好多，愛情小說、散文比較多， 有次想睇鬼故，搵咗好耐先搵到一本😂😂。就算唔睇書，同朋友喺度一邊傾計一邊食嘢都唔錯。呢度仲好似可以用一本書去換一杯咖啡，等我下次睇完本書拎過嚟玩一杯試吓先。呢度嘅食物水平好高，有兩本唔同嘅餐牌，每隔兩三個月就會換一次，車打芝士汁鮮蝦意粉同埋黑松露野菌意粉都係我嘅首推！！除咗意粉仲有all day breakfast。飲品種類多，就算唔飲咖啡都有其他水果茶之類嘅飲品選擇。仲有小食同甜品添，水牛城雞翼絕對值得一試👍🏻👍🏻👍🏻甜品我就暫時未試過。如果咁岩約咗朋友喺附近但未夠鐘嘅話，想搵個地方Hea下時間，可以喺呢度睇住書，飲杯咖啡或者食個甜品咁樣等。