影片
更多
2016-02-24
356 浏览
約人食飯, 就響佢公司附近見到呢間西餐廳, 環境幾悠閒, 而且有酒飲, 可以慢慢食飯傾.每人要左個Dinner, 有白湯, 入面有蘑菇碎粒, 湯夠creamy, 亦唔太咸. 蜜糖雞翼薯條, 薯條炸得幾香口, 外表脆脆地, 面頭仲有芝士, 如果唔夠味, 仲有沙律醬調味. 至於雞翼表面炸得好脆香, 面頭仲流住蜜糖, 一啖入口咸甜得宜, 而且外脆內嫩, 香口野食完好開胃.三文魚卡邦尼意粉, 意粉夠煙韌, 唔會太淋, 汁唔會過份地多, 剛剛好令意粉唔會太乾身, 配料都幾多, 煙肉, 火煺, 蘑菇, 仲有流心蛋等等, 三文魚夠新鮮.另外見隔離枱要左個甜品視點幾高, 所以我都要左個. 係Chocolate thunder鐵板上, 侍應一放上枱就準備倒朱古力醬.倒晒落去之後, D煙標晒出黎, 究竟點解可以搞到咁大煙, D朱古力醬仲一泡一泡咁谷下谷下.終於等到佢cool down, 賣相好吸引, 鍾意朱古力既人一定鍾意, 下面係朱古力蛋糕, 上面係雪糕+cream.蛋糕朱古力味濃, 唔會太甜, 而且夠鬆軟, 加埋上面既雪糕, 同埋朱古力醬, 甜味層次分明, 而且又冷又熱, 食完唔覺膩.仲有餐飲要左Ca
每人要左個Dinner, 有白湯, 入面有蘑菇碎粒, 湯夠creamy, 亦唔太咸.
蜜糖雞翼薯條, 薯條炸得幾香口, 外表脆脆地, 面頭仲有芝士, 如果唔夠味, 仲有沙律醬調味. 至於雞翼表面炸得好脆香, 面頭仲流住蜜糖, 一啖入口咸甜得宜, 而且外脆內嫩, 香口野食完好開胃.
三文魚卡邦尼意粉, 意粉夠煙韌, 唔會太淋, 汁唔會過份地多, 剛剛好令意粉唔會太乾身, 配料都幾多, 煙肉, 火煺, 蘑菇, 仲有流心蛋等等, 三文魚夠新鮮.
另外見隔離枱要左個甜品視點幾高, 所以我都要左個. 係Chocolate thunder鐵板上, 侍應一放上枱就準備倒朱古力醬.
倒晒落去之後, D煙標晒出黎, 究竟點解可以搞到咁大煙, D朱古力醬仲一泡一泡咁谷下谷下.
終於等到佢cool down, 賣相好吸引, 鍾意朱古力既人一定鍾意, 下面係朱古力蛋糕, 上面係雪糕+cream.
蛋糕朱古力味濃, 唔會太甜, 而且夠鬆軟, 加埋上面既雪糕, 同埋朱古力醬, 甜味層次分明, 而且又冷又熱, 食完唔覺膩.
仲有餐飲要左Cappuccino, 凍飲咖啡味幾香夠滑, 唔飲酒係另一個選擇.
张贴
