影片
更多
2004-09-08
25 浏览
其實己經係早幾個星期試架啦,不過而家先得閒.兩個人去,嗌左二人餐,因為做緊Lady's night既promote,每位食滿$300 就送杏汁燕窩甜品,都唔記得二人餐幾錢,只係記得係唔夠$600,散嗌左蟹粉小籠包先夠.個度地方唔係好大,都算舒服,不過我地坐正大堂,因為有好多野佢地都我地面前煮,所以食得比較熱.二人餐有鮑片兩片,二隻糯米饟雞翼,有翅,鮑魚同荷葉飯,重有甜品桂花糕.份量唔係好大,但食完就剛剛好,雞翼d皮好脆,xo醬炒d糯米好野味,但就淡口d,而個翅同鮑魚都係係面前加熱,但就唔夠熱囉,個翅比較鹹,鮑魚就幾爽,如困可以再熱d就好啦!荷葉飯亦行貨,幾好味,另嗌既蟹小籠包都好正,皮夠薄,湯夠濃.桂花糕有幾層架,好特別,而送既燕窩又係唔夠熱,但好夠份量,杏汁味唔太濃唔太淡,好味!而家仲有抽獎添,不過多數係$100現金卷,都係叫你幫襯多次.另一提侍應服務態度不錯.
张贴