錦麗 (已結業)

經過商場見到呢間自稱係胡志明市最好食嘅牛肉粉，即刻走過來試吓。我哋兩大2B，因為佢哋冇BB櫈，所以想等梳化位，由原本冇人龍等到大排長龍，等左成大半個鐘，腳仔都軟。叫咗生熟牛肉粉、生牛粉、蒸米糕、燒雞米卷。兩個粉係好好味！尤其係落咗啲香料之後，正！不過個份量實在太少啦！約係其他越南餐廳嗰啲粉嘅一半份量，但係肉嘅份量都夠，有牛味，生牛比熟牛好食，值得一試！米糕同米卷就普普通通，冇乜特別。個粉真係幾好食，未食過可以當茶點試吓！不過佢哋係冇茶水供應嘅，所以想攞啲熱水比BB抹下啲餐具都冇，呢樣就唔係好方便帶住BB嘅家庭囉！。