萬豪咖啡室 (已結業)

1月23晚同girlfriend黎慶祝生日，一早已Book　Windows seat，去到先知原來並不是真正的windows seat，而家望到維港而已，前面有樓遮住，所以嚴格黎講個人覺得個景都唔算靚。入返正題，本人唔食生野，所以甚少食自助餐。食物方面，熟食真係唔多...好少...生野冷盤反而多。熟食味道普通，又未至於好好味。所以唔多講喇。三文魚，第一次試，唔腥，幾好味。好快到最後...甜品: 真係唔錯！款式唔算話多，都足夠，好味！服務方面：好！換碟快，仲係咁幫你加水，人手非常足夠。（當晚只有約７～８成入座）總結: 可以黎一次，但未必有第二次。