蝦麵店 (荃新天地) (已結業)

行街行到攰攰哋，喺荃新天地見有間蝦麵店，裝修都幾別緻，喺馬來西亞食品店，咁就同老公試試。打開餐牌，都有好多選擇，有散點，一人或二人套餐，後點咗湯麵，小食，糖水等。福建滷湯海鮮摻摻（湯底有四款，辣味蝦湯，咖哩喇沙湯，豬骨雞湯，福建滷湯; 麵身都有四款選擇，梗有一款啱你心水。）碗麵上枱時賣相吸引，有啲似台式，原來摻摻喺油麵加米粉，海鮮相算豐富，有鮮蝦，青口，魷魚，蟹柳，蛋絲，湯底濃濃杰杰，幾鮮味。檳城小食拼盤包括有五香滷肉，沙嗲雞脾串，五香雞翼，豆腐豆卜。滷肉味道幾特別，平時好少食到，雞翼都唔錯，沙嗲雞脾串燒，可能凍咗，冇乜肉汁，豆腐豆卜點上酸梅醬還可以。摩摩喳喳有別廣式嘅喳咋，好有香芋味，又有彩色丸子，煙煙靭靭有口感，唔太甜，老公似乎好鍾意呢款糖水。亞參脆多士味道幾特別多士，但又冇驚喜。食得中西式餐館，想轉口味，馬來亞食品可以試試㗎。