龍璽酒家 (已結業)

係ICC 101樓食飯真係好享受，個景好靚又可以慢慢影下相。今次同屋企人一行六人去到龍璽飲茶。叫左鮑汁鳳爪、翡翠帶子腸、酥皮蛋撻仔、老爺子古法鬆糕、蜜餞叉燒包、金箔沙巴海蝦餃、燒汁和牛烤包、黑松露老城炒飯、黑松露素粉果、龍璽燒賣皇、乳鵨。燒汁和牛烤包一定要好熱既時候食，好香牛味同薑葱味。黑松露素粉果都係必點既，黑松露味道好香，一食落去同其他配菜好夾。乳鵨都要試，肉好嫩皮燒得好脆。蝦餃燒賣就味道普通。炒飯都好值得試，炒得幾乾身。食物偏貴味道不錯，但環境好靚、服務好好，可以趁特別日子去試下，望住靚景食飯好有氣氛。