新容記小菜王 (已搬遷) 新店位置

第一次嚟呢間重開既小菜館,人齊就落單,先嚟一碟燒腩仔,但嚟到有d失望,肥膏多於一切,再嚟招牌鐡板燒茄子,上碟兩條茄子釀肉碎,加上金菇菜、洋葱絲墊底,配上燒汁都幾入味,韮菜花炒蛋咸淡適中,再嚟多一碟蒜蓉蒸龍躉頭腩,可惜魚身太肥腻,食咗一舊已经收手,總括嚟講呢間小菜館菜式係有好多,味道亦唔算太濃烈,可以一試,不過我個人覺得佢哋介绍客人菜式手法就有d意見,佢介绍一款小菜,客人都未答應就落單,希望改善一吓呢種服務態度,俾客人慢慢睇菜牌先再單,咁客人先會食得舒服嘛。