大公雞 (已結業)

平時Lunch Time有時都會到KCC商場食飯，今次就跟同事去咗大公雞試一試！我哋一共叫咗4個餐，都免費包熱柚子茶一杯，推薦湯麵類！麻辣三寶淮山麵：原本係跟手工麵，但原來可以轉做淮山麵，比較少有可以食到，都幾足料，有牛腸、牛筋、牛肉，湯底有陣藥材味幾特別，可以再辣啲啲。菜餃花枝丸手工麵：菜餃都幾大粒幾足料，都幾入味，但花枝丸似港式墨魚丸，唔太夠口感。台式炸排骨肉操飯：肉操飯都OK但偏甜啲，炸排骨比較乾身，唔夠juicy，粉比較鹹同厚身，配埋飯食都覺得鹹，有待改善。鹽酥雞扒小腸米粉：原本都係跟手工麵，同事落order嘅時候轉咗做米粉，所以米粉就更加入味，但同樣炸雞扒都係乾身同厚粉，台灣腸仔都係有啲肥豬肉㗎啦🤣🤣間唔中幾片都OK。