永順食店 (已結業)

復活節嘅早晨9:30嚟到已經見有10幾人排緊不過排咗大概10分鐘已經可以入得都算快，疫情期間入店時對於探熱嘅過程有少許求其，直得一讚圓枱都有膠板隔開對面就算搭枱感覺上安全啲。今日order食店出名嘅沙嗲牛肉出前一丁、奶醬多士、凍奶茶同凍咖啡。佢個沙嗲牛肉出前一丁因為即叫即做所以會等得比較耐大概等咗15分鐘先到，味道方面有好濃郁嘅花生醬及沙嗲味不過略為鹹咗啲😕如果係呢方面改善少少會更加好，牛肉份量算多不過稍為欠缺牛肉嘅鮮味亦唔較嫩滑，出前一丁煮嘅時間啱啱好軟硬適中。奶醬多士有驚喜個麵包烘到好香脆奶醬同牛油嘅比例亦都夠多食落口每一啖都係煉奶同牛油香味😋凍奶茶同凍咖啡都做得好出色唔會太甜夠香滑，凍飲來講食完野之後果杯奶茶都唔會比啲冰冲到淡晒唔錯👍🏼係等緊嘢食嚟嘅時候留意到佢個廚房職員工作嘅情況原來佢哋每人都有自己專屬要做嘅崗位，分工清晰所以人哋成功係有原因嘅希望繼續keep住，個人認為如果可以改善下個沙嗲牛肉醬唔好咁鹹就Perfect。