宴 尖沙咀

由於太掛住日本蟹道樂既關係，所以一路尋覓香港邊度有蟹道樂水準既食店！見呢間食評唔錯又有蟹放題食就決定試下喇！=)可能接近除夕啦，價錢比平時應該貴少少！五百幾蚊連加一再叫埋野飲，每位埋單七百幾蚊！不過無時間限制，又有豚肉和牛同蟹任食，都ok ge首先有前菜三味！有芥辣八爪魚，辣苦瓜同海哲絲！幾好味，不過我個人對苦瓜真係麻麻地！但佢呢度既苦瓜唔算好苦，甘甘地咁之後到刺身喇！有鮮甜呀！=)跟住到主角喇！侍應會介紹邊種汁配邊樣野食！個人覺得牛肉比較普通無咩特別，同出面肥牛差不多！相反豚肉幾好味禍，用醬油湯個邊燙好入味呀！而蟹都唔錯，當然同日本個d有d出入！不過都算好鮮甜！我同朋友兩個人總共食左四碟呀XD食到差唔多飽之後，可以俾你揀要烏冬定粥！我地硬係揀要粥啦，睇下可唔可以煮到好似蟹道樂咁好味嘛！不過唔知係咪我地唔識煮，所以個粥好咸咁！而d侍應見我地好迷茫咁都無主動幫同教我地，扣少少分啦！最後有綠茶雪糕做甜品！食晒全部野實在太飽喇！但都好滿足既！下次可以再黎試下其他野食！